በአዲስ ስታንዳርድ ጋዜጠኞች
አዲስ አበባ፣ታህሳስ 13፣2014-ሁለት ወር ከሀያ ሁለት ቀናት እስር ላይ የቆዩት የአረና ትግራይ ፓርቲ ሊቀመንበርና የቀድሞው የትግራይ ጊዜያዊ አስተዳደር አመራር (የሰራተኛ እና ማህበራዊ ጉዳይ ቢሮ ኃላፊ) የነበሩት አቶ አብረሃ ደስታ በፍርድ ቤት ትእዛዝ በ 10,000 ሺብር ዋስትና ከእስር ተፈቱ፡፡
ሰኔ ወር ላይ ከትግራይ ወደ አዲስ አበባ መጥተው ተከራይተው ይኖርቡት ከነበረ ሆቴል መስከረም 20/2014 በፀጥታ አካላት በቁጥጥር ስር የዋሉት አቶ አብርሀ አራዳ የመጀመሪያ ፍርድ ቤት በተጠረጠሩበት ሁለት ጉዳዩች ላይ ከአዲስ አበባ ፖሊስ ጋር ሲከራከሩ ቆይተው በ10ሺ ብር ዋስትና ከእስር ወተዋል፡፡
መስከረም 20/2014 በፀጥታ ሀይሎች እንደታሰረ ለአዲስ ስታንዳርድ የተናገሩት ስማቸው እንዳይጠቀስ የፈለጉ አቶ አብርሀ ደስታ የቅርብ ቤተሰብ “የአራዳ የመጀመሪያ ፍርድ ቤት የጊዜ ቀጠሮ ችሎት ሀሙስ ታህሳስ 7 2014 በ10ሺ ብር ዋስትና እንዲወጣ ፈቅዶለታል ብለዋል” በዋስትናው መሰረት ሰኞ ከሰአት በኋላ 9 ሰአት ላይ ከእስር ተፈቷል ሲሉ ለአዲስ ስታንዳርድ ተናግረዋል፡፡አስ
